家用或醫用都唔得！日本週日起全國禁止轉售口罩　違者最高可被判監1年及罰款

武漢肺炎（新冠肺炎）疫情持續，唔少地方都出現口罩短缺嘅情況。

【武漢肺炎懶人包】：
香港確診名單｜家居檢疫名單｜病徵｜潛伏期｜口罩供應｜退機票｜房網退訂｜家居消毒

繼早前韓國宣布將對口罩出口實施限制，以解決國內口罩不足問題後，日本昨日亦通過轉售口罩訂立罰則。

其實喺疫情爆發以嚟日本口罩一直處於短缺嘅情況，部分商人及轉賣商大量囤積口罩轉售圖利，其中更包括地區政府人員。

正因為咁，日本政府內閣終於喺昨日（10/3）通過修改法規以防止再有同類事件發生。

Photo from meti.go.jp

根據日本經濟產業省嘅公佈中指，日本政府內閣通過修改「國民生活安定緊急措置法」規定，就轉售口罩訂立罰則。

Photo from HolidaySmart

於最新修定規定中，把口罩納入管轄範圍，並於3月15日起全國將禁止轉售口罩，，違例者最高可被判處1年監禁及罰款100萬日圓（約7萬港元）。

Photo from HolidaySmart

而措施將包括所有個人、零售商舖及網絡嘅轉售，禁止轉售範圍均包括家庭用及醫用口罩，以改善口罩不足嘅問題。

Photo from shutterstock

希望大家留返啲口罩畀有需要嘅人。

Source：日本經濟產業省、e-Gov

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）